Maradona lëshohet nga spitali pas operacionit në tru, fansa të shumtë mblidhen për legjendën

Diego Maradona është lëshuar nga spitali, një javë pasi iu nënshtrua ndërhyrjes kirurgjike në tru për heqjen e një trombi.

Legjenda argjentinase është larguar nga klinika në Buenos Aires ku i ishte nënshtruar ditën e mërkurë dhe do ta vazhdojë shërimin në shtëpi.

60-vjeçari iu nënshtrua një operacioni emergjent për një hematomë subdurale, pasi ishte paraqitur në një spital me shenja depresioni, anemie dhe dehidrimi.

Hematoma subdurale është një formë gjakderdhjeje, në të cilën një sasi e gjakut grumbullohet në mes të pjesës së brendshme të dura mater (membrana e jashtme që mbështjell trurin) dhe arachnoidea mater (membrana e mesme) të meningjeve që e mbështjellin trurin.

Televizionet dhe fotoreporterët lokalë e kanë fotografuar autoambulancën qe e ka larguar Maradnona nga klinika Olivos. Ai pritet të qëndrojë në një shtëpi pranë vajzave të tij.

Mjeku personal i legjendës, neurologu Leopoldo Luque u ka thënë gazetarëve se ai e ka autorizuar lëshimin duke konfirmuar se operacioni ka qenë i suksesshëm. /Telegrafi/