Manchester United pritet të ketë shumë punë për të bërë në afatin kalimtar të verës, sidomos për transferimin e mesfushorit të Wolverhampton Wanderers, Ruben Neves.
Djajtë e Kuq synojnë të përfundojnë në top katërshen dhe më pas të forcojnë skuadrën e menaxherit Erik ten Hag për sezonin e ri.
Megjithatë, United ka punë për të bërë nëse duan të vulosin objektivat e tyre kryesore të transferimit.
Sipas mediumit The Mirror, situata që përfshin marrjen e klubit mund të vonojë finalizimin e buxhetit të trajnerit holandez Ten Hag.
Një çështje tjetër është se klube të tjera do të tentojnë për lojtarët e njëjtë sikurse ylli i Wolves, Neves.
Sipas mediumit Revelo, United dëshiron yllin portugez, por Barcelona mund të hyjë përpara tyre dhe të arrij një marrëveshje.
Çmimi i mesfushorit 26-vjeçar sillet rreth 40 milionë euro, ndërsa në të kaluarën është lidhur edhe me Liverpoolin. /Telegrafi/