Liria nuk ka arritur të nxjerrë më shumë se një pikë nga dueli në shtëpi ndaj Drenicës që përfundoi me rezultat 1-1.
Skuadra preizrenase pati nevojë të madhe për pikë ndaj kundërshtarit që u cilësua si jo i vështirë për t'i rrëmbyer ato në "Përparim Thaçi".
Ishte Fatih Karahoda ai që shënoi golin hapës të takimit pas 24 minutash lojë.
Shpejt erdhi reagimi i Drenicës që shënoi për 1-1 me anë të Pasomës (31').
Me këtë rezultat përfundoi pjesa e parë.
Në pjesën e dytë Liria bëri shumë presion në kërkim të golit dhe kishte raste, por nuk ja doli të shënonte golin e fitores.
Me këtë barazim Liria ka 24 pikë, tri më pak se Ballkani dhe Flamurtari që përballen drejtpërdrejt në Prishtinë, në stadiumin "Fadil Vokrri". /Telegrafi/
