"Ligji vlen për të gjithë, jeni e arrestuar" - babai arreston të bijën e tij

Një ngjarje e pazakontë ka ndodhur kur policia ndaloi një vajzë 21-vjeçare për drejtimin e mjetit nën efektin e alkoolit në Pensilvania.

Ajo tha se “ka pirë një pije”, por policia nuk hoqi dorë nga zbardhja e së vërtetës. Ata gjithashtu u interesuan nëse ajo rrëzoi një semafor aty pranë me veturën e saj.

Ndoshta duke dashur të shmangte problemet, vajza përsëriti disa herë se babai i saj është polic në pushtetin vendor dhe iu lut që ta thërrisnin.

Një video e gjithë ngjarjes u shfaq në rrjetet sociale dhe ne mund të dëgjojmë policin duke u përpjekur të zbulojë nëse ajo goditi semaforin dhe pse i ishte thyer parakolpi i përparmë.

Vajza pretendoi se nuk kishte asnjë lidhje me ngjarjen dhe se e kishte dëmtuar parakolpin “një muaj më parë”, pasi u nda me të dashurin dhe iku me vrap nga shtëpia e tij.

Kaluan minutat dhe më në fund ajo pranoi se "godi diçka". Më pas në vendngjarje ka mbërritur babai.

Rojet e sigurisë shpjeguan menjëherë se për çfarë bëhej fjalë dhe burri ishte plotësisht bashkëpunues.

“Babi, babi... Unë jam kapiteni i ekipit të futbollit”, tha vajza duke qarë me pranga në duar dhe babai i saj ia ktheu, “Lëri tani dhe hip në veturë. Ju jeni e arrestuar”.

Prandaj, babai nuk u përpoq të mbulonte rastin, apo të abuzonte me pozitën e tij, por e detyroi fëmijën të pranonte përgjegjësinë për veprimet e tij.

Në stacionin policor janë bërë analizat e nevojshme dhe sasia e alkoolit në gjak ka qenë dyfishi i kufirit ligjor. Vajza i është bërë thirrje.

Reagimi i babait shkaktoi furtunë reagimesh në rrjetet sociale.

“Lavdërim. Ai nuk e përdori autoritetin e tij. Kjo është një situatë e vështirë për të, por ajo duhej të mësonte një mësim”, ka shkruar një përdorues.

Shumë veta theksuan se është e qartë se sa e vështirë është për burrin, sepse fëmija i tij është në pranga, por se ka bërë gjënë e duhur. /Telegrafi/