Los Angeles Lakers kanë marrë fitoren e tretë radhazi në NBA.
Skuadra nga Kalifornia ka mposhtur Dallas Mavericks në udhëtim, por vetëm pas vazhdimeve.
Pas 53 minutave të zhvilluar në American Airlines Center në Dallas, Lakers triumfuan me tri pikë diferencë, 107:104.
Tre yjet e Lakers, LeBron James, Russell Westbrook e Anthony Davis shënuan së bashku 67 pikë në triumfin e ekipit nga Kalifornia.
James e mbylli takimin me 24 pikë, Westbrook me 23 pikë, 10 kërcime e nëntë asistime, derisa Davis me 20 pikë e 12 kërcime.
Tani Lakers ndodhen në pozitën e gjashtë në Konferencën e Perëndimit me 16 fitore e 13 disfata.
Fitore ka arritur edhe kampioni në fuqi i NBA-së, Milwaukee Bucks që para adhuruesve të vet ka mposhtur Indiana Pacers.
Bucks përkundër mungesave të Giannis Antetokounmpo e Khris Middleton triumfuan në këtë takim me 15 pikë diferencë 114:99.
Jrue Holiday ishte më efikasi në këtë sfidë me 26 pikë e 14 asistime, derisa Connaughton e Portis shtuan nga 20 pikë të tjera. /Telegrafi/
