Kylie Jenner përballet me kritika të ashpra në internet për grumbullimin e njerëzve në ditëlindjen e Storm në një kohë pandemie

Kylie Jenner duket se ka hedhur poshtë disa protokolle për mbrojtjen nga COVID-19 që janë vendosur në Los Angeles, me një festë të organizuar për ditëlindjen e vajzës së saj, Storm.

Mogulja e bukurisë, 23 vjeçe, të hënën ka ndarë disa imazhe nga festa e ditëlindjes së vajzës, të cilën e ndan me reperin Travis Scott.

Në vitet e kaluara, Jenner ka organizuar ahengje luksoze të ditëlindjes për Storm të quajtur “Stormiworld”, por ajo njoftoi se për disa arsye ngjarja ishte anuluar, sipas BuzzFeed.

Sidoqoftë, ajo theksoi se do të ftonte kushërinjtë e Stormit dhe anëtarët e tjerë të familjes për një festë më të vogël.

Në bazë të postimeve të publikuara, pretendohet se nuk kanë qenë të mjaftueshme protokollet e sigurisë për të ndaluar përhapjen e coronavirusit.

E njëjta ndërkohë u përball me reagime të ashpra në internet për grumbullimin e njerëzve.

“Vetëm një vit nga përhapja e coronavirusit dhe Kylie Jenner ende nuk e di se çfarë mund të bëjë ky virus dhe si mund t’i dëmtojë njerëzit në të vërtetë”, ka thënë një ndjekës.

“E dashur Kylie Jenner. E di që ju anuluat StormiWorld por mbajtët akoma një festë më të madhe për Stormi. Edhe ajo ishte një parti për të, një festë në një pandemi dhe nuk pashë askënd me maskë”, vazhdoi një përdorues tjetër i Twitter.

Një i tretë shtoi: “Unë pyes pse njerëzit ndjejnë nevojën për të ndjekur Kylie Jenner pasi ajo vazhdon të thyejë protokollet e coronavirusit. Dikush po vdes nga COVID-19 çdo 10 min në Los Angeles”.

Jenner në anën tjetër është pjesë e një familje të madhe, me katër motra dhe një vëlla, të cilët kanë gjithsej nëntë fëmijë. Të pranishmit e tjerë të mundshëm përfshinin prindërit e yllit, Kris dhe Caitlyn Jenner .

Familja Kardashian-Jenner është kritikuar disa herë për organizimin e tubimeve të mëdha, pasi motrat e Kylie, Kim Kardashian dhe Kendall Jenner, organizuan ahengje të mëdha për ditëlindje, të cilat gjithashtu morën kritika në internet.

Të martën, Los Angeles raportoi një total prej 1,124,558 raste të COVID-19. /Telegrafi/