Së pari rraskapitja, temperatura 40, pastaj kjo shfaqet në trup! Të gjitha janë simptoma të “virusit amerikan”

Mos merrni antibiotikë!

“Virusi amerikan” përhapet mes fëmijëve dhe mjekët kanë zbuluar gjithçka që duhet të dini për simptomat.

Rraskapitja, temperatura e lartë deri në 40, dhimbje muskujsh, skuqje janë simptoma të një virusi që ka prekur fëmijët e moshës parashkollore dhe shkollore javët e fundit.

Sipas ekspertëve, bëhet fjalë për të ashtuquajturin “virus amerikan”, dhe ajo që e dallon nga “të tjerët” është se, përveç simptomave klasike, në trup shfaqet edhe një skuqje karakteristike.

Fëmijët trajtohen kryesisht me antipiretikë, pinë më shumë lëngje dhe nëse ka infeksion bakterial, mjeku përshkruan një antibiotik dhe gjithçka kalon për 7 deri në 10 ditë, transmeton Telegrafi.

Siç shpjegojnë mjekët, gjëja më e rëndësishme është kryerja e analizave laboratorike në kohë sidomos nëse temperatura është e lartë dhe me qëllim që fëmija të marrë terapi adekuate.

Moti i ftohtë favorizon përhapjen e viruseve. Pavarësisht se është maj, moti është i ftohtë, gjë që kontribuon më tej që fëmijët të sëmuren sepse qëndrojnë në shtëpi.

Fëmijët kanë temperaturë të lartë, shfaqen skuqje, gjë që i tremb edhe më shumë prindërit. Temperatura rritet me shpejtësi, fëmijët janë të dobët, kështu që ndodhi që dikush kishte nevojë për infuzion.

Ky virus paraqet të njëjtën pasqyrë klinike si gjithë të tjerët, por karakterizohet me temperaturë të lartë dhe skuqje.

Fëmijët kanë temperaturë, janë të dobët dhe shpesh kanë sy të kuq. Kanë humbje të oreksit dhe fëmijët më të rritur ankohen për dhimbje në krahë dhe këmbë. Një përqindje e caktuar e fëmijëve gjithashtu kanë diarre dhe shfaqen skuqje të lëkurës. E gjithë kjo frikëson prindërit, sepse temperatura rritet papritur, ka edhe rrufë dhe kollë. Megjithatë, kur e krahasojmë, simptomatologjia në përgjithësi nuk është veçanërisht e ndryshme nga viruset e mëparshme. Ndonjëherë, edhe ajo i ngjan një alergjie, por nuk është një alergji, sepse edhe këtu kemi temperaturë.

Shërimi

Kur bëhet fjalë për viruset, antibiotikët nuk përdoren kurrë, përveç nëse shfaqen në lidhje me bakteret dhe më pas shfaqet edhe një pasqyrë klinike pak më e komplikuar.

Nuk ka terapi të veçantë nëse nuk ka raste të komplikuara dhe virusi zakonisht largohet vetë. Duhet të jepet një ilaç kundër temperaturës së ngritur dhe të jepet pak më shumë lëngje se zakonisht. Është shumë e rëndësishme që fëmija të përmbahet nga të gjitha aktivitetet e tij, nuk duhet të shkojë në shkollë apo kopsht, të izolohet nga vëllai, motra, gjyshja, gjyshi. Virusi është mjaft ngjitës. Mund të shkaktojë problem tek të rriturit dhe ata që kanë sëmundje kronike.

Gjithçka zakonisht zgjat nga pesë deri në 10 ditë, përveç nëse ka disa komplikime të tilla si pneumonia ose ndonjë ndërlikim tjetër më serioz.

Tek fëmijët që kanë imunitet normal normal kalon vetvetiu, por nëse fëmija ka disa komplikacione si kollë, gjendje shumë të keqe, ndonjëherë duhet infuzion, si dhe antibiotikë dhe kjo vetëm nëse vërtetohet se fëmija ka edhe një infeksion bakterial. Antibiotikët nuk veprojnë në viruse, ndaj nuk duhet t’ia jepni fëmijës suaj ‘për çdo rast'”. /Telegrafi/