Kim Kardashian tejet provokuese në festën e Krishtlindjeve me Khloe dhe Kris Jenner

Kim Kardashian për pak sa nuk doli nga fustani i saj i kuq prej lëkure në festën e Krishtlindjeve që organizoi me motrën Khloe dhe nënën Kris Jenner në restorantin Casa Vega në Sherman Oaks, Kaliforni.

Manjatja 44-vjeçare e ‘SKIMS’, e cila është gjithashtu nëna e katër fëmijëve, u shfaq me një veshje provokuese, ku kishte veshur çizme të zeza, ndërsa përdorte një skuter të zi për të lëvizur, pasi theu këmbën.

Në këtë ngjarje festive ishin gjithashtu Khloe, 40 vjeçe, e veshur me një fustan të zi dhe çizme mbi gju, dhe nëna e tyre Kris Jenner, 69 vjeçe, që kishte veshur një veshje të ngjashme, por të bardhë dimërore. Festat ishin të shoqëruara me pije nga markat e familjes: ‘Sprinter’ nga Kylie Jenner dhe ‘tekila 818’ nga Kendall Jenner, shkruan DailyMail.

Këtë vit, Kim zbuloi se festa tradicionale e Krishtlindjeve do të ishte më intime, për shkak të punëve të ndërtimit që po ndodhnin në shtëpitë e tyre.

Ajo theksoi se, pavarësisht ngjarjeve të përmasave më të vogla, familja do të vijonte të mbante traditën dhe të shfaqej në stile të paharrueshme.

Kim ndau me Vogue: “Do të jetë një ngjarje intime këtë vit, por ne do të veshim ende rroba elegante, sepse kështu veprojmë gjithmonë.” Megjithatë, edhe pas një natë më të qetë, Kim tha se fëmijët e saj, North, Saint, Chicago dhe Psalm, e adhurojnë këtë traditë dhe miqtë e tyre gjithashtu e kërkojnë pjesëmarrjen.

Në lidhje me jetën e saj personale, së fundmi Kim ka filluar një lidhje të re. Ajo dhe komediani Pete Davidson, 31 vjeç, u ndanë në fund të vitit 2022, pas nëntë muajsh bashkë.

Tani, një burim ka thënë për ‘Us Weekly’ se Kim është duke takuar një person të ri, i cili është mbajtur shumë i fshehtë dhe nuk është një person i famshëm. /Telegrafi/