Lajme Kosovë

Kelmendi: Më është premtuar posti i zëvendëskryeministrit

Para 9 vitesh

Biznesmeni dhe deputeti Ramiz Kelmendi, shumë shpejt do të ngjitet në majat e suksesit të tij prej politikani. Ai brenda një kohë të shkurtër mund shihet ulur pranë kryeministrit Isa Mustafa, gjatë drejtimit të mbledhjeve të Qeverisë.

Kjo për faktin se Kelmendi do të behët zëvendëskryeministër i Kosovës. Këtë pozitë atij edhe i kanë premtuar drejtuesit e dy partive në pushtët, PDK dhe LDK.

“Premtimi është që unë të bëhem zëvendëskryeministër, por nuk kam marrë ende përgjigje. Kjo nuk varet nga koalicioni, por nga liderët e Partisë Demokratike”, ka thënë Kelmendi në një intervistë për Gazetën Fjala.

Bile ai premton se me marrjen e kësaj detyre do të sjell edhe ndryshime në ekonominë e vendit, duke thënë se rritje ekonomike do të shkojë deri ne 10 për qind.

“Rritja ekonomike për 3 për qind nuk garanton se fëmijët tanë do të jetojnë më mirë se sa prindi i tyre apo si në shtete e Evropës. Unë garantoj se rritjen ekonomike do ta bëjë mbi 10 për qind”.

Ai nuk është i kënaqur edhe me punën që po e bënë aktualisht qeverisa e Kosovës. Madje është goxha kritik në çështjen e zhvillimit ekonomik.

“Unë kam thënë se zhvillimi ekonomik me këto metoda të ecjes ‘caca-caca”, nuk mund të ec. Ai që donë të bëjë zhvillim ekonomik duhet të punojë më gjatë dhe më shpejt”, shprehet Kelmendi.

Kelmendi, që drejton kompaninë ELKOS dhe rrjetin e marketeve ETC, ka treguar se biznesi i tij nuk ka lidhje me politikën. Madje thotë se politikës as nuk i ka parë hajrin e as sherrin.

“Mbështetja më e madhe ka qenë se nuk më kanë pengu edhe pse unë në vitet e sukseseve të mija kam qenë opozitë. Nuk kam pas asnjë tender, e as nuk kam konkurruar kurrë për një të tillë”, thotë Kelmendi.

Deputeti i PDK-së shprehet skeptik edhe me deklaratat e kryeministrit Mustafa se gjatë vitit 2015 janë punësuar 18 mijë kosovarë. Ai thotë se kjo shifër nuk po shihet në realitet.

Kelmendi në këtë intervistë ka folur edhe për punën që bëhet në ETC.

Ndryshe premtimi për pozitën zv/kryeministër, deputetit dhe biznesmenit Ramiz Kelmendi po shihet si premtimi që është obligim interesi zhvillimor, e jo detyrim.

Nëse ai mund të bëjë rritjen ekonomike mbi 10% është aftësi profesionale, eksperiencë me mbështetje të vertetuar dhe interes i zhvillimit ekonomik të Kosovës.

Kelmendi gjatë aktivitetit politik ka shfaqur aftësi edhe për burimet e financimit dhe identifikimin e tyre, si burime shumë të nevojshme.

Deputeti dhe biznesmeni Kelmendi në bujqësi poashtu ka garantuar dinamika zhvillimi, duke deklaruar që nga viti 202o asnjë produkt që mund të prodhohet dhe ruhet nuk do të importohet, për çka ka siguruar në rezultat.

Kelmendi në prezantimet e veta, ka argumentuar shpesh se zhvillimi i industrive të mesme dhe të lehlta me njohuritë e tij mbeshtetet në investitorët vendor dhe kjo është nevojë emergjente.

Veçanërisht, deputeti dhe biznesmeni Kelmendi ka siguruar, prezantuar dhe garantuar rritje ekonomike për 10%, duke kujtuar se me rritjen aktuale ekonomike 3% që ka Kosova aktualisht, shtetet e rajonit do t’ i arrijë pas 10 vitesh ndërsa ato të EU-së pas rrumbullak një shekulli.