Katamaran hidrogjeni është e ardhmja e lundrimit

Studioja spanjolle Ruma Design prezantoi konceptin e një Catamarani elektrik futuristik mbi hidrogjenin.

Catamarani i quajtur Migma është krijuar për të lundruar në botë në një mënyrë të qëndrueshme dhe karakterizohet nga një pamje minimaliste dhe e përparuar.

Ky koncept “shkel” rregullat e dizajnit të jahteve dhe mund të “valëzojë” industrinë. Është i pajisur me një rezervuar të lëngshëm hidrogjeni, bateri litium-jon, qeliza karburanti PEM dhe dy motorë elektrikë që lejojnë lundrimin pa emetime.

Një Catamaran mund të udhëtojë për një kohë shumë të gjatë pa krijuar zhurmë, ndotje, tym dhe dridhje.

Me një gjatësi prej 55 metrash, ofron hapësirë të mjaftueshme për përdorim biznesi dhe rekreativ. Brendësia e tij mund të përshtatet dhe përdoret për takime biznesi, por edhe si sallon qendror për dy familje. Catamarani gjithashtu ka dhoma për ekuipazhin dhe stafin, dhe është e mundur të bëni kabina shtesë.

Xhami i gjerë elektrokromatik “i zgjuar” i përparmë ofron një pamje të oqeanit, dhe secila dhomë është krijuar për të siguruar një pamje panoramike. Kjo shfrytëzon sa më shumë dritën natyrale. Kur intimiteti është i dëshiruar, opsioni i ngjyrosjes së xhamit është i disponueshëm me prekjen e një butoni.

Pjesë e Catamaranit është gjithashtu një pishinë e jashtme me një platformë, dhe dizajni i jashtëm i hijshëm i jep Migmës një pamje futuristike. /Telegrafi/