Juventusi thuhet se është i hapur për t’i ofruar Angel Di Marias një marrëveshje njëvjeçare, ndërsa, Bianconerët mund të përfshijnë Merih Demiral si pjesë të marrëveshjes për nënshkrimin e Kalidou Koulibaly nga Napoli.
Bianconerët duan të bëhen sërish pretendentë për titull në sezonin 2022/23 dhe Massimiliano Allegri ka kërkuar lojtarë me përvojë për të përmirësuar skuadrën.
Gjigantët e Serie A kanë qenë në bisedime me Di Marian prej disa javësh, me lojtarin që këmbëngul se ai dëshiron vetëm një marrëveshje njëvjeçare në mënyrë që të luajë në Kupën e Botës në Katar dhe të kthehet në Argjentinë në vitin 2023.
Tormentone #DiMaria: la #Juve alza l’offerta e torna a sperare. Il nodo #Barcellona, le alternative https://t.co/vRoBBClZ2B pic.twitter.com/95ibaK2jB8
— calciomercato.com (@cmdotcom) June 15, 2022
Juventusi do të ofronte më mirë një marrëveshje dyvjeçare për të përdorur dekretin e rritjes dhe për të marrë një ulje prej 50 për qind në pagën bruto të lojtarit, por sipas Il Corriere dello Sport dhe Calciomercato.com, drejtorët e klubit tani janë të hapur për t’i ofruar Di Marias një marrëveshje njëvjeçare pa opsion për një sezon të dytë në Torino.
Argjentinasi i ka pezulluar bisedimet, duke pritur një ofertë nga Barcelona, e cila do të ishte destinacioni i tij i preferuar, por katalanasit po merren me çështje financiare dhe ende nuk janë në gjendje t’i ofrojnë kontratë ‘El Fideos’.
Juventusi po kërkon gjithashtu një zëvendësues me përvojë për Giorgio Chiellini, i cili i është bashkuar Los Angeles FC.
Difesa Juve: #Koulibaly può arrivare grazie a #Demiral ⬇️
https://t.co/4D6eBbD2Vn— Tuttosport (@tuttosport) June 15, 2022
Sipas gazetës Tuttosport, prioriteti i Allegrit është Koulibaly dhe Juventusi mund të ofrojë Demiralin si pjesë e marrëveshjes për të ulur kërkesat ekonomike të Napolit.
Reprezentuesi turk do të kthehet në Torino pasi Atalanta ka vendosur të mos e bëjë të përhershëm transferimin e tij pas huazimit. Megjithatë, ai nuk është në planet e Allegrit dhe Juventus po planifikon të gjejë një klub të ri për ish-lojtarin e Sassuolos. /Telegrafi/