Jogurti zvogëlon peshën trupore

Studimet e shumta kanë dëshmuar dhe vërtetuar se, me marrjen më të vogël të kalciumit, vjen deri tek trashja më e shpejt, për shkak se qelizat yndyrore bëhen më të mëdha dhe më të yndyrshme. Duke shtuar jogurtin në të ushqyer, përshpejtohet humbja e peshës trupore dhe zvogëlohet madhësia e stomakut!

Shkencëtarët kanë dëshmuar që, personat e trashë,nëse hanë tri shujta me jogurt pa yndyrë – humbin 22% më shumë peshë dhe 61% të yndyrës trupore sesa personat të cilët nuk marrin kalcium gjatë ushqimit. Personat të cilët pinë jogurt humbin 81% më shumë yndyrë nga stomaku, sesa personat që nuk e pinë atë.

Profesori Michael Zemel, një ekspert ushqimi nga universet i shtetit Tennesy të SHBA-së thotë që, kjo lloj diete është dy herë më efikase për mirëmbajtjen e masës muskulore, sepse kur personat mbajnë dietë për t’u dobësuar, ata dëshirojnë të humbin masën yndyrore e jo atë muskulore.

Në studimin klinik, shkencëtarët kanë analizuar 34 persona të trashë, por në gjendje të mirë shëndetësore, të cilët i kanë ndarë në dy grupe.

Analizimi ka zgjatur për 12 javë rresht. Grupi i parë ka pirë tri herë në ditë nga 180 gramë jogurt të payndyrshëm, duke siguruar rreth 1.100 miligramë kalcium në ditë. Grupi i dytë ka marrë vetëm një porcion të jogurtit dhe ka siguruar marrje të kalciumit prej 400-500 miligramë në ditë. Që të dyja grupet kanë marrë nga 500 kalori më pak sesa është e zakonshme për të stimuluar humbjes e peshës trupore.

Siç edhe është pritur, të dyja grupet e të anketuarve kanë humbur peshë trupore, por humbja ka qenë dukshëm më e madhe tek grupi i cili ka pirë më shumë jogurt. Të anketuarit të cilët kanë pirë nga një porcion jogurt në ditë në mesatare, kanë humbur pesë kilogramë në 12 javë, derisa të anketuarit të cilët kanë pirë nga tre jogurtë në ditë, kanë humbur mesatarisht nga gjashtë kilogramë e gjysmë për të njëjtën kohë.

Një gotë e jogurtit të payndyrshëm prej 180 gramë ju jep proteina të mjaftueshme, shumë vitamina B12, kalcium, zink dhe përmbajtjeve tjera ushqyese, të cilat vështirë mund të gjenden në ndonjë lloj tjetër të ushqimit i cili i përmban të gjitha në një vend. Jogurti përmban vetëm 140 kalori dhe është shumë i rëndësishëm në mirëmbajtjen normale florës së zorrëve.