Jennifer Aniston nxjerr në shitje portretin e saj ‘nudo’ për të mbledhur para për COVID-19

Aktorja e popullarizuar amerikane, Jennifer Aniston, është duke fituar para për luftën ndaj COVID-19 në një mënyrë tejet të veçantë.

51-vjeçarja përmes një postimi në Instagram bëri të ditur se do të nxjerrë në ankand portretin e saj nudo të realizuar në vitin 1995.

Imazhi i saj ishte bërë nga Mark Seligerl, i cili asokohe ishte i punësuar për të realizuar një set fotografik për të gjithë personazhet e hit-serialit “Friends”.

https://www.instagram.com/p/CA0Rm5eD4m8/?utm_source=ig_embed

Portreti bardh e zi ku aktorja shihet duke qëndruar këmbëkryq do të shitet për të mbledhur fonde rreth gjetjes së një vaksine për coronavirusin.

“Shoku im i dashur @markseliger u bashkua me @radvocacy dhe @christiesinc për të nxjerrë në ankand 25 portretet e tij – përfshirë edhe timen – për lehtësimin e COVID-19”, ka thënë Aniston.

Lexo po ashtu Rihanna nxjerr në shitje fustanin e saj të famshëm për të përkrahur lëvizjen ‘Black Lives Matter’

“100% e të ardhurave nga shitjet e këtij portreti do të shkojnë në @NAFClinics, një organizatë e cila siguron testim dhe kujdes për të gjithë vendin”, shton më tej ajo.

https://www.instagram.com/p/B8cPQLjBdYY/

Përveç Aniston, do të dalin në ankand edhe 25 portrete të tjerë të famshëm të Seliger, duke përfshirë imazhe të Leonardo DiCaprio dhe Oprah Winfrey. /Telegrafi/