Jennifer Aniston nuk është shtatzënë

Nëna e Paris Hilton, Kathy, postoi një status në Twitter, ku shkroi “Jennifer Aniston duket shumë e bukur sot, dhe po ju them se është shtatzënë me një vajzë. 100 për qind”

Statusi është fshirë më vonë, ndërsa burime pranë aktores sigurojnë se kjo nuk është aspak e vërtetë.

Burimi konfirmon “Jenn as që e njeh Kathy, ky status ishte i çuditshëm. T’i vijë turp, është e paedukatë.”

Përmendim se aktorja 48 vjeçare është martuar prej dy vjetësh me Justin Theroux, por ende nuk kanë fëmijë. Ylli i serialit Friends ka kërkuar në disa intervista të mos paragjykohet për zgjedhjen e saj për të mos u bërë nënë tani. Kjo është diçka që vjen natyrshëm.

Që nga momenti që është martuar me Justin, e sidomos pak javë pas ditëlindjes, ish gruaja e Brad Pitt vihet në qendër të kritikave për faktin që ende nuk ka fëmijë, dhe me kalimin e kohës do ta ketë të pamundur të mbetet shtatzënë.

Por si duket, të pasurit apo jo një fëmijë, më shumë ka shqetësuar publikun se vetë aktoren, që pranon se ende ka kohë në dispozicion.