Ja përse i mbyllim sytë kur bëjmë seks

Gjuha e trupit gjatë marrëdhënieve seksuale flet shumë për qëndrimet, parimet tona dhe tregon se sa lirshëm ndihemi gjatë aktit intim.

Mbyllja e syve gjatë seksit mund të tregojë mjaft për qëndrimin tonë ndaj aktit intim. Kështu disa persona turpërohen nga kënaqësia seksuale apo nga trupi vetjak, andaj para partnerit më lehtë e kanë që të mos i shohin reagimet e veta.

Femrat janë ato te të cilat është shënuar niveli më i lartë i të mos ndierit mirë. Gjithashtu, po qe se grindeni me partnerin gjatë marrëdhënies seksuale ju vetvetiu do t’i mbyllni sytë. Ofendimet, keqpërdorimi emocional dhe fizik apo problemet financiare ndikojnë në relaksimin gjatë marrëdhënies seksuale.

Ekzistojnë bindje të ndryshme religjioze dhe shoqërore, të cilat ndikojnë në jetën seksuale dhe në sjelljen gjatë seksit. Është dëshmuar që personat më të arsimuar më shumë kënaqen kur bëjnë seks dhe janë të lirshëm të vështrojnë partnerin dhe veten gjatë marrëdhënieve intime.

Disa ekspertë konsiderojnë që sytë gjatë seksit mund të jenë të mbyllur po qe se partneri dëshiron që të shkyçet nga ndikimet e jashtme dhe thjesht të kënaqet. Me sytë të mbyllur ai fokusohet në ndjenjat dhe shqisat e veta, andaj kënaqësia seksuale është më e fuqishme dhe më intensive. Në këtë mënyrë koncentrohet vetëm në aksion. /Telegrafi/