Tre vjet pas ndarjes së tyre, Bradley Cooper dhe Irina Shayk kanë publikuar fotografi nga pushimet e përbashkëta, duke nxitur thashetheme të reja për pajtimin e tyre.
Imazhet nga një vend tropikal u shfaqën në profilin e modeles në Instagram, ku ajo i shtoi përshkrimit një simbol të zemrës. Në njërën prej tyre, ish-çifti shihet duke pozuar së bashku të buzëqeshur.
Përveç plazhit dhe detit të bukur, Shayk dhe Cooper kaluan kohë edhe në shoqërinë e kafshëve, ndërsa modelja ka kapur edhe një moment ku duken këmbët e tyre ndërsa në sfond janë peshkaqenët.
Fansat e tyre nuk e kanë fshehur kënaqësinë që e kanë parë sërish bashkë çiftin e famshëm dhe këtë e kanë shprehur në komente.
Meqë ra fjala, kjo nuk është hera e parë që çifti kalon kohë së bashku. Ndodhi gjithashtu në fund të vitit 2021 kur ata ishin parë duke ecur nëpër New York dorë për dore.
Lidhja e tyre zgjati nga viti 2015 deri në vitin 2019 dhe së bashku kanë një vajzë pesëvjeçare.
Pavarësisht se si ishte marrëdhënia e tyre, çifti ka theksuar vazhdimisht se e vlerësojnë njëri-tjetrin si partnerë dhe prindër. Por, ka shumë mundësi që tani ata të kenë vendosur t’i japin dashurisë së tyre një tjetër shans.
Që kur u ndanë, kujtojmë se Shayk ishte i lidhur edhe me Kanye West, pas divorcit të reperit nga Kim Kardashian, por modelja nuk e konfirmoi asnjëherë. /Telegrafi/