HTC, shitësi numër një në SHBA

Para disa ditësh, ju kemi njoftuar se Samsung është shndërruar në lider botëror sa i përket telefonave të mençur në nivel global, ndërsa tani sipas disa hulumtimeve të fundit, thuhet se HTC e ka marrë vendin e parë në tregun e SHBA’së, si shitësi më i madh i telefonave të mençur.

Sipas analizave të Canalys, HTC tani është shitësi numër një në SHBA, pasi që ka shitur mbi 5.7 milionë telefona të mencur në tregun amerikan për tre-mujorin e fundit të vitit 2011, shifra këto më të mëdha se ato të Apple ose Samsung.

“Sido që të llogaritet, HTC është lider i merituar në SHBA” ka thënë zv.drejtori i Canalys, Chris Jones. “Kjo është një arritje e mrekullueshme për HTC’në, e cila ka ndërtuar një markë Premium, në një treg shumë konkurrues, edhe atë për shumë pak kohë” ka thënë ai.

Në raportin e Canalys gjithashtu thuhet se HTC ka krijuar një spektër të mirë të pajisjeve në rrjetin 4G, ndërsa ofron produkte të ndryshme dhe shumë të avancuara në platforma të ndryshme mobile, të cilat më pas shiten nga operatorët kryesor mobil në SHBA. / Telegrafi /