HTC kërcënohet me ndalesë të shitjes në Gjermani

HTC ndoshta nuk do të ketë mundësinë të shes telefonat e vet celularë në Gjermani pasi që kompania IPCom publikoi se do të jetësoi aktvendimin e gjykatës sipas të cilës HTC shkeli patentat e saj.

Në të vërtetë, vendimi ishte është marrë para gati tri viteve, kur gjykata në Mannheim arriti në përfundim se HTC shkel patentën të cilën IPCom e bleu nga Bosch. HTC u ankua kundër vendimit, me çka ishte shtyrë aplikimi i tij, e të hënën gjykimi ishte paraparë të vazhdoj. Por para fillimit HTC hoqi dorë nga padia. Ani pse HTC e konteston këtë interpretim, IPCom pohon se me këtë ka fituar në gjykatë, dhe synon që në afat sa më të shkurtë kohor të filloj të aplikoj ndalesën e shitjes së telefonave të HTC-së.

Përfaqësuesit e IPCom pohojnë se HTC ka pranuar se nuk ka shanse reale që të fitoj këtë gjykim, e gjykata morri një vendim të qartë se HTC ka shkelur patentën e tyre. Për shkak të kësaj ata kanë të drejtë të ndërpresin shkeljen e pronës së tyre intelektuale. Në të vërtetë, përfaqësuesit e IPCom thonë se HTC asnjëherë nuk u ka dhënë ndonjë ofertë me të cilën në mënyrë adekuate do të bëhej dëmshpërblimi për pronën e tyre intelektuale, për shkak të kësaj IPCom nuk ka zgjidhje tjetër pos të kërkoj ndalesën e shitjes së telefonave mobil të HTC-së. Përveç që dëshirojnë sa më shpejtë të vejnë në funksion ndalesën e shitjes së telefonave mobil të HTC-së, IPCom thekson se shpreson se vendim të ngjashëm gjykata do të merr edhe në lëndën në të cilën e kanë kundër Nokias mu për të njëjtën patentë.

Por HTC pohon se IPCom nuk ka fituar, duke pasur parasysh se HTC mendon se padia ishte e panevojshme për shkak se gjykata federale gjermane më herët ka merr vendim se patenta në fjalë është e pavlefshme.

Sipas komentimeve të pavarura, vendimi i gjykatës federale për patenta deri tani nuk është marrë parasysh për shkak se të dyja palët janë ankuar në vendimin. Gjithashtu vlerësohet se motivi i vërtetë për heqjen dorë të HTC-së nga ankesa është shmangja e vendimit tjetër të gjykatës që do të përfshinte dy patentat tjerë të IPCom. Për shkak të kësaj IPCom duhet të nis nga e para paditë për të mbrojtur edhe dy patentat tjerë.

Patenta në fjalë, të cilën IPCom e bleu së bashku me shumë patenta të tjerë nga Bosch 2007, përshkruan algoritmin i cili i jap përparësi shfrytëzuesve të caktuar ashtu që telefonat mobil të mund të përdoren në mënyrë efikase në rastet emergjente. /Telegrafi/