Deputeti i Aleancës për Ardhmërinë e Kosovës, Daut Haradinaj ka thënë se është veprim i papërgjegjshëm vendosja e fusnotës për Kosovën më marrëveshjet me Shqipërinë.
Haradinaj duke folur për Projektmarrëveshjen e Fondit të Ballkanit Perëndimor ka thënë se AAK-ja nuk është kundër marrëveshjeve ndërkombëtare, por ai theksoi se marrëveshjet duhet të analizohen.
“Është një gabim dhe papërgjegjësi totale. Flluska e Edita Tahirit nuk po duket se po mbetet vetëm flluskë, nuk jemi kundër marrëveshjeve por kundër fusnotës”, tha Haradinaj.
Deputeti i AAK-së tha se qeveria nuk duhet të hedhë topin tek deputetët, por duhet ta marrin përgjegjësinë për marrëveshjet që nënshkruajnë e që duan ta kenë votën e deputetëve.
Ndryshe Kuvendi është duke diskutuar për Marrëveshjen për themelimin e Fondit të Ballkanit Perëndimor për themelimin e Zyrës Rajonale për Bashkëpunim Rinor në mes Kosovës, Shqipërisë, Bosnjës dhe Hercegovinës, Malit të Zi, Maqedonisë dhe Serbisë.
Nga Cinestar
Nga Edil Project
Nga Prishtina Ticket
Nga Horeca Center
Lufta Prigozhin - Putin
Më shumë
