Matteo Guendouzi thotë se Arsenali mund ta fitojë Ligën Premier këtë sezon, përkundër dominimit të Manchester Cityt.
Topçinjtë e nisën me humbje (2-0) sezonin 2018/2019, pikërisht nga kampioni në fuqi, i cili ishte shumë larg rivalëve në edicionin e kaluar.
Mesfushori 19-vjeçar, i cili u rekrutua këtë verë nga Lorient, është njëri nga përforcimet që ka bërë trajneri Unai Emery për këtë sezon.
Francezi që kushtoi 7.85 milionë euro është i bindur se skuadra e Arsenalit do të ketë sukses në Kampionatin anglez këtë sezon.
"Po, besoj se mund ta fitojmë këtë sezon, për shkak të lojtarëve dhe stafit që kemi".
"Vërtet besojmë dhe do të bëjmë gjithçka që mundemi për të fituar sa më shumë ndeshje dhe për të pasur një sezon fantastik. Vërtet besoj se mund t'ia dalim".
“Man City është një top skuadër, mirëpo janë shumë top-skuadra në këtë ligë, sepse Liga Premier është më e mira në Evropë", ka thënë mesfushori për Evening Standard. /Telegrafi/