Golden State, afër rekordit historik

Golden State Warriorsat janë vetëm pesë fitore larg për të vendosur rekord të ri, si skuadra me më së shumti fitore brenda një stinori të rregullt të NBA-së.

Stephen Curry shënoi 31 pikë, përfshirë gjashtë në shtesën pesëminutëshe, për t’i mundësuar kampionit në fuqi të NBA-së, Golden Statet, të vazhdojë rrugën drejt rekordit historik. Kësaj radhe u mposht Utah Jazz (103:96), të mërkurën mbrëma, përcjell Koha Ditore shkrimin e AP.

Golden State Warriors ka bilanc prej 68 fitoreve e shtatë humbjeve dhe duhet të fitojë edhe pesë nga shtatë ndeshjet e mbetura për të thyer rekordin e Chicago Bullsave nga stinori 1995/96, prej 72 fitoreve e dhjetë humbjeve.

“Këta djelmosha janë fenomenalë. Asgjë nuk po shkonte në favorin tonë në pjesën më të madhe të ndeshjes, por ata luftuan. Ne gjithmonë luftojmë dhe kjo tregon karakterin që kanë këta djelmosha. Kjo është edhe arsyeja që kemi këtë bilanc. Më pëlqen shpirti luftarak i këtyre djelmoshave. Nuk ka rëndësi se çfarë bilanci do të kemi deri në fund të stinorit të rregullt. Është mbresëlënëse se si kanë luajtur ata ndeshje pas ndeshjeje”, ka thënë trajneri i Golden State Warriors, Steve Kerr