Gjyqtari humbet jetën gjatë ndeshjes

Një ngjarje e rëndë e ndodhur në Bolivi ka tronditur botën e futbollit, me një gjyqtar i cili ka humbur jetën gjatë një ndeshjeje.

Ndeshja e kampionatit bolivian në mes të Alaways Ready dhe Oriente Petrolero nuk ka shkuar mirë deri në fund.

Kjo pasi gjyqtari Victor Hugo Hurtado ka humbur ndjenjat në minutën e 47-të të sfidës.

Gjyqtari 31-vjeçari u dërgua me urgjencë në spital, por sipas mediave vendase sapo ai mbërriti në spital, pësoi një tjetër sulm në zemër.

Sulmi i dytë në zemër ishte fatal për gjyqtarin Hurtado, i cili humbi jetën.

Dyshimet e para për shkaqet e vdekjes së gjyqtarit ishte sasia e pakët e ajrit, pasi ndeshja u zhvillua në stadiumin “Muncipal” në El Alto, i cili ndodhet rreth 3900 metra lartësi mbidetare. /Telegrafi/