Më 31 mars (e mërkurë), Spanja është nikoqire e Kosovës në ndeshjen kualifikuese për Kampionatin Botëror, ‘Katar 2022’.
Sfida e vlefshme për Grupin B zhvillohet në stadiumin Estadio de La Cartuja në Sevilla, ku të zgjedhurit e Bernard Challandes kanë udhëtuar për të bërë befasinë.
Në faqen zyrtare të UEFA-s tashmë janë publikuar emrat e gjyqtarëve që do ta ndajnë drejtësinë dhe që të gjithë janë danezë.
(Foto: uefa.com)
Jakob Kehlet është gjyqtari që do ta ketë barrën kryesore të takimit, derisa Lars Hummelgaard dhe Heine Sorensen janë gjyqtarë anësorë. Gjyqtar i katërt është caktuar Jens Maae.
Për Kosovën kjo është ndeshja e dytë kualifikuese për Kampionatin Botëror, ndërsa në sfidën e parë në “Fadil Vokrri” pësoi humbje nga Suedia. /Telegrafi/
