Tifozët bënin shaka se “Pep (Guardiola) gjithmonë i mendon mirë formacionet për finalet” pasi Ilkay Gundogan u rendit si portier në një gafë të BT Sport.
Kur u publikuan formacionet para ndeshjes, BT Sport padashur vendosi (GK) pas emrit të Gundogan.
Disa fansa dolën menjëherë në rrjetet sociale për të vënë në dukje gabimin.
Ndërsa të tjerët bënin shaka se Pep Guardiola kishte bërë një tjetër lëvizje të guximshme në një ndeshje të madhe.
Spanjolli është bërë i njohur për ngatërresat në ndeshjet e mëdha në vitet e fundit, veçanërisht duke vendosur që të mos luajë një mesfushor defanziv kundër Chelseat në finalen e 2021.
Një fans bëri shaka në Twitter: “Gundogan si GK (Portier). Pep gjithmonë i mendon finalet”.
Ndërsa një i dytë postoi në Twitter: “Gundogan në portë, çfarë tjetër @btsportfootball?”.
Një i tretë bëri shaka: “Unë gjithmonë mendoja se Gundogan ishte një GK i mirë”.
Ndërsa Chelcee Grimes u tall: “Me sa duket @ManCity ka 2 (GK) duke filluar nga sonte. Ata duhet të jenë të shqetësuar”.
Duke u rreshtuar në rolin e tij të zakonshëm në mesfushë, Gundogan bëri pak histori në ndeshjen e sotme.
Duke mbajtur shiritin e kapitenit, 32-vjeçari u bë gjermani i parë që drejtonte ndonjëherë një ekip jogjerman në një finale të Ligës së Kampionëve, sipas Optas. /Telegrafi/
