Përzgjedhësi i Kosovës, Franco Foda, ka bërë të ditur sot (e premte) listën prej 25 futbollistëve tek të cilët do të llogarisë për dy ndeshjet e muajit shtator në Ligën e Kombeve.
‘Dardanët’ do të zhvillojnë dy ndeshje, fillimisht me Rumaninë më datë 6 shtator në Prishtinë dhe më pas më datë 9 shtator ndaj Qipros në udhëtim.
Aty nuk munguan emra të mëdhenj si Amir Rrahmani, Vedat Muriqi, Milot Rashica, Edon Zhegrova, Valon Berisha, por as emra të rinj si Elvis Rexhbeçaj, Eliot Bujupi dhe Fisnik Asllani.
Tani është bërë e ditur edhe lista rezervë e lojtarëve të cilët kanë mundësi t’i bashkohen Kosovës varësisht nga vlerësimi dhe nevojat e trajnerit.
Në këtë listë bëjnë pjesë nëntë lojtarë, ku dy prej tyre luajnë në Superligën e Kosovës.
Lojtarët që bëjnë pjesë në listën e zgjeruar të Kosovës:
Faton Maloku
Lirim Kastrati
Qëndrim Zyba
Bersant Celina
Altin Zeqiri
Arbër Zeneli
Drilon Hazrollaj
Shkëlqim Vladi
Muhamet Hyseni
/Telegrafi/
