Minnesota Timberwolves ka vazhduar me formë fantastike në elitën e basketbollit amerikan NBA.
Skuadra e udhëhequr nga trajneri Chris Finch ka marrë fitoren e pestë radhazi, pasi ka mposhtur Indiana Pacers në udhëtim me 14 pikë diferencë 101:115.
Ka qenë një ndeshje e dominuar nga mysafirët nga fillimi e deri në fund të ndeshjes dhe me plot meritë triumfuan në Bankers Life Fieldhouse në Indianapolis.
Më meritori për fitoren e skuadrës mysafire ishte qendra Karl-Anthyony Towns që e mbylli ndeshjen me 23 pikë, 11 kërcime e tetë asistime.
Paraqitje fantastike pati edhe qendra tjetër Rudy Gobert që shtoi 21 pikë e 16 kërcime, derisa Edwards shtoi 19 pikë të tjera.
Me pikë dyshifrore te fituesit ndeshjen e mbyllën edhe McDaniles që shënoi 18 pikë, derisa Rusell shtoi 15 pikë e 12 asistime. /Telegrafi/
https://www.youtube.com/watch?v=LSEr3GS-pjs
https://www.youtube.com/watch?v=pG2XfkvM9VI
https://www.youtube.com/watch?v=agsdyEe-jmU
