Filipçe: Nuk ka vende të lira në spitalet e Kumanovës, Strumicës dhe Velesit

“Repartet e sëmundjeve infektive po mbushen në spitalet në të gjithë vendin. Për shembull, nuk ka vende të lira në spitalet në Kumanovë, Strumicë dhe Veles, ndërsa pacientët transferohen në Shkup. Ka edhe 10 vende të lira pune në spitalin “8 Shtatori”, tha sot Ministri i Shëndetësisë, Venko Filipçe, nga Klubi i Deputetëve.

Ai shtoi se spitali modular po përgatitet gjithashtu.

“Kufizime shtesë do të përfshinin kufizime në punën e subjekteve të caktuara ekonomike dhe objekteve hotelierike. Por ne nuk duam që të ndodhin masa të tilla. Masat duhet të respektohen”, tha Filipçe duke u përgjigjur në pyetjen për gazetar.

Sipas tij, ditët e fundit kemi shumë më shumë pranime në spital sesa largime nga spitali.

I pyetur nëse ka informacione në lidhje me dorëheqjet e mjekëve në Spitalin e Qytetit “Shën Naumi i Ohrit”, ministri i Shëndetësisë, Venko Filipçe theksoi se deri më tani vetëm dy infektologë kanë konfirmuar dorëheqjen e tyre, respektivisht një nga Klinika Infektive dhe një nga Spitali “8 shtatori”.

“Deri më tani kam informacione se një mjeke infektologe ka dhënë dorëheqje në Klinikën për Sëmundje Infektive dhe se planifikon të punojë në spital priva, dhe gjithashtu mjekja që ka udhëhequr Repartin Infektiv në Spitalin “8 Shtatori” ka paralajmëruar, nuk e di nëse është formalizuar, unë kam biseduar me të, por ajo është e vendosur të largohet”, konfirmoi Filipçe, duke shtuar se për momentin ka mjaftueshëm personel mjekësorë./Telegrafi/