Facebook u bën thirrje partive shqiptare që të jenë transparente në reklama

Facebook ka thënë të hënën se partitë politike në Shqipëri duhet të jenë transparente në mënyrën se si ato i financojnë reklamat e tyre politike në faqet e platformës, përpara zgjedhjeve të muajit tjetër.

Sipas AP, përcjell Telegrafi, një deklaratë nga Facebook tha se duke filluar nga e enjtja “të gjitha reklamat elektorale dhe politike në Shqipëri duhet të vijnë nga reklamues të autorizuar.

Ndryshe, zgjedhjet parlamentare në Shqipëri pritet të mbahen më 25 prill.

Dhe për shkak të pandemisë së coronavirusit, fushata elektorale ka shumë të ngjarë të luajë në një pjesë të madhe në mediat sociale, përfshirë Facebook.

Vendi ka masa të rrepta pandemike, duke përfshirë një “shtetrrethim” brenda natës, përdorimin e detyrueshëm të maskave të fytyrës dhe ndalim të më shumë se 10 personave, shkruan më tej AP.

Që nga qershori 2019, Facebook ka vënë në dispozicion globalisht mjetet e tij të transparencës së reklamave, të cilat u mundësuan reklamuesve që të bëhen të autorizuar për të shfaqur reklama politike.

AP kujton se zgjedhjet e Shqipërisë post-komuniste gjithmonë janë kontestuar fort dhe shpesh janë dëmtuar nga parregullsi gjatë fushatës dhe ditës së votimit, duke përfshirë pretendimin e blerjes së votës dhe manipulimin e numërimit të votave. /Telegrafi/