Evropa paralajmëron se nuk do ti njeh zgjedhjet dhe rezultatet zgjedhore të 5 qershorit

Komisioni Evropian (KE) nuk do ti njeh zgjedhjet ose po rezultatet zgjedhore të 5 qershorit, ka deklaruar zëdhënësja e Komisionit, Maja Kocijançiç për Deutsche Welle, transmeton Telegrafi Maqedoni.

Kocijançiç po ashtu ka paralajmëruar se hapat e fundit „do të kenë pasoja serioze“ dhe se KE ndjen keqardhje që „kriza e vazhdueshme politike edhe më tej e largon vendin nga aspiratat euroatlantike dhe vëren që disa parti nuk kanë dorëzuar lista kandidatësh deri te Komisioni shtetëror zgjedhor në afatin e paraparë për këtë“.

„Konsiderojmë se nuk janë plotësuar as kushtet minimale për zgjedhje të besueshme më 5 qershor të viti 2016, të cilat do të mund të njiheshin nga bashkësia ndërkombëtare“, ka deklaruar Kocijançiç për Deutsche Welle.

KE nëse disa raste e ka theksuar nevojën për pastrim të listës zgjedhore, sigurim të raportimit të baraspeshuar mediatik dhe hulumtim të kërcënimeve ndaj votuesve. Në kushtet aktuale, cilado qoftë qeveri që do të del nga zgjedhjet në të cilat nuk do të marrin pjesë tre partitë më të mëdha, nuk do të jetë partner i besueshëm për bashkësinë ndërkombëtare, shtojnë nga KE.

Komisioni i fton të gjithë liderët politik dhe autoritetet relevante të ndërmarrin hapa  vendimtare për tu ballafaquar me situatën, duke e respektuar Marrëveshjen e Përzhino, ka porositur Kocijançiç./Telegrafi/