Është normale të mos i kesh gjinjtë në të njëjtën madhësi?

Sigurisht, bile do të ishte e pazakontë po të ishin të dy gjinjtë të së njëjtës formë dhe të së njëjtës madhësi.

Ndryshimi mund të jetë tepër i vogël dhe nuk dallohet me shikim të thjeshtë, por nëse i ekzaminon çdo muaj gjinjtë e tu, atëherë do të jesh në gjendje të dallosh madhësinë dhe formën e tyre dhe do të shohësh se nuk janë të njëjtë.

Në raste të tjera, ndryshimi është sa një numër sutjenash. Ky ndryshim nuk përbën rrezik dhe nuk ka të bëjë me prirjen për të vuajtur nga problemet në gjoks, si për shembull, tumoret.

Para disa kohësh thuhej se gratë që i kishin gjinjtë të ndryshëm nga njëri-tjetri mund të kishin më shumë prirje për të vuajtur nga kanceri i gjirit, por specialistët e kanë hedhur poshtë këtë hipotezë.

Nuk është e vështirë ta rregullosh ndryshimin, mjafton të përdorni sutjena të përshtatshme, me rripa që zmadhohen e zvogëlohen dhe të përdorni mbushje në njërën nga kupat e sutjenave.

Edhe thithat mund të jenë të ndryshme nga njëra-tjetra ose njëra mund të jetë më e futur brenda se tjetra. Nëse gjithmonë i keni pasur kështu, mos u shqetësoni, por nëse papritur njëra prej tyre ndryshon formën dhe drejtimin, duhet të këshilloheni me gjinekologun.