Graham Potter mund të jetë në Old Trafford së shpejti dhe ai mund të dëshirojë disa fytyra të njohura që ta përfaqësojnë atë në fushë.
Ish-trajneri i Brighton dhe Chelseat mendohet se është duke pritur për të parë nëse përfshirja e Sir Jim Ratcliffe në Manchester United e sheh Erik ten Hag të shkarkuar.
Dhe nëse gaferi holandez shkon drejt largimit, atëherë Potter pritet të jetë një kandidat i fortë për punën e trajnerit të Djajve të Kuq.
48-vjeçari nuk qëndroi shumë në Chelsea, por gjithsesi arriti të nënshkruajë me disa lojtarë të mëdhenj me të cilët mund të dëshirojë të ribashkohet.
Ndërsa periudha e tij trevjeçare në Brighton e pa atë të nënshkruajë disa talentë të fshehur që mund të rezultojnë të dobishëme në Man United.
Julio Enciso është një yll në rritje në Ligën Premier për momentin dhe një kalim në nënshkrimin e lojtarëve të rinj premtues do t’i përshtatej Djajve të Kuq ndërsa ata hyjnë në kapitullin e tyre të ri.
Potter nënshkroi Encison për vetëm dhjetë milionë euro në vitin 2022, por do të duhej të shpenzonte shumë më tepër që Pulëbardhët të lironin kontrollin e tyre ndaj yllit paraguaian.
Ka pak mbrojtës të krahut më të mirë se Pervis Estupinan, i cili u soll në Amex nga Potter në 2021.
Një lëvizje në një ekip të Ligës së Kampionëve duket e pashmangshme për 25-vjeçarin dhe ndoshta ribashkimi me trajnerin e tij të vjetër do të ishte mënyra për ta bërë këtë.
Nëse ai nuk është një opsion, Marc Cucurella mund të joshet të ribashkohet me ish-strategun e tij, i cili e mori me vete në Stamford Bridge verën e kaluar.
Do të ishte e vështirë për Potter që të joshte emrat më të mëdhenj që ai nënshkroi për Cheslean, si Enzo Fernandez dhe Mykhailo Mudryk , por ka një që shquhet si një opsion për gjigantët e Mançesterit.
Me Antonyn ende për të përmbushur çmimin e tij dhe Jadon Sancho ende të ngrirë nga skuadra, Noni Madueke mund të shkëlqejë në krahun e djathtë nën ish-trajnerin e tij.
Ishte Potter ai që e solli anglezin në Stamford Bridge dhe premtimi për një kohë më të rregullt të lojës mund të jetë tërheqës për 21-vjeçarin. /Telegrafi/
