Në marrëdhënien mes Gianni De Biasit dhe kombëtares sonë, ai “pa” si të privilegjuar të parin.
“Ne kemi lidhur një kontratë me De Biasin, dhe kjo kontratë është më shumë fati i tij, se sa fati i futbollit shqiptar”, por po aty nuk mungoi të shprehte vlerësimet për atë që italiani po bën nga stoli i kombëtares.
Më tej, teksa ishte duke folur për shqiptarët që luajnë për kombe të tjera, ai tha se “nuk bie dakord me një lojë të dyfishtë e hipokrite që këta lojtarë bëjnë; nga njëra anë kanë bërë zgjedhjen e tyre, që duhet respektuar, nga ana tjetër duan të shfaqen edhe si shqiptaro-mëdhenj”, tha ai saktësisht, transmeton Express.
Në këtë diskutim e sipër, ai bëri një “diversion” brenda familjes Xhaka.
“Xhaka ynë është futbollist më i mirë se sa Xhaka i Zvicrës”, ia bëri ai.
Lidhur me vendimin që pritet nga strukturat e UEFA-s pas ndeshjes në Beograd, ai, pa e shprehur, la të nënkuptohej frikën se mund të penalizohet edhe kombëtarja shqiptare.
“Por ne nuk memritojmë që të penalizohemi; nuk kemi asnjë përgjegjësi për atë që ndodhi”, u shpreh ai. /telegrafi/
