Dimitrov: Përfundojë procesi i ratifikimit tek të gjithë aleatët

Spanja është vendi i 29-të, anëtari i fundit i NATO-s që ka ratifikuar protokollin tonë të pranimit, duke përfunduar kështu procesin e ratifikimit me të gjithë aleatët, tha sot Ministri i Jashtëm, Nikolla Dimitrov, përcjell Telegrafi Maqedoni.

“Senati spanjoll sapo ka ratifikuar protokollin e pranimit për anëtarësimin e Republikës së Maqedonisë së Veriut në NATO me zero vota kundër. Me këtë rast, në emër të Qeverisë dhe të gjithë qytetarëve të Maqedonisë, dëshiroj të shpreh mirënjohjen time për Spanjën dhe njëkohësisht të uroj qytetarët e Maqedonisë për këtë sukses të ndërsjellë që erdhi si rezultat i këmbënguljes dhe vendosmërisë për vendime dhe përkushtim të guximshëm. Me këtë përfundon një proces, përpjekje tre dekadëshe, duke u përpjekur të jemi pjesë e familjes së Verioatlantike”, tha Dimitrov.

Kjo kompleton ratifikimin e protokollit të të gjitha 29 vendeve anëtare, me çka pason depozitimi i instrumentit në Uashington, me çka formalisht-juridikisht Maqedonia e Veriut do të bëhet anëtarja e 30-të e Aleancës.

Ambasadori spanjoll, Emilio Lorenzo Serra tha se si ambasador spanjoll në Shkup ishte kënaqësi e madhe që Senatin spanjoll që miratojë ligjin për ratifikimin e protokollit për pranimin e Republikës së Maqedonisë së Veriut si anëtare e 30-të e NATO-s./Telegrafi/