Dafina Zeqiri: Kylie Jenner pati miq të vërtetë pasi fshehu me sukses shtatzëninë

Këngëtarja shqiptare, Dafina Zeqiri, është shprehur për ngjarjen e fundit që ka zënë vend në mediat botërore.

Është lindja e Kylie Jenner që solli në jetë një vajzë ajo që ka zënë vend në mediat e huaja.

Bukuroshja amerikane solli në jetë fëmiun pak kohë pasi ishte bërë bashkë me reperin Travis Scott. Dhe, për plot nëntë muaj ajo refuzoi të dalë me bark të zbuluar ose të flasë për shtatzëninë në media.

Vetëm pasi ka lindur ajo ka publikuar imazhe me foshnjën dhe konfirmoi se gjatë gjithë kësaj kohe ishte shtatzënë.

Dafina Zeqiri thotë se Kylie ka pasur shokë të vërtetë pasi ka arritur që të fshehë për plot nëntë muaj shtatzëninë.

“Kylie ka pasur miq të vërtetë, askush nuk ka thënë asnjë fjalë për nëntë muaj. Këtë lloj të miqve e dua përreth meje”, u shpreh Dafina.

Nuk dihet nëse Dafina dëshiron edhe ndonjë situatë si Kylie, pra që të sjellë edhe ajo në jetë një fëmijë. Aktualisht ajo po qëndron në Amerikë, ku nuk po publikon tash e sa kohë imazhe me të dashurin, Jose, me të cilin edhe doli publikisht.

Dafina Zeqiri njihet edhe për lidhjet e saj me Krenar Çoçajn dhe Ledri Vulën. /Telegrafi/