Çfarë ha Kylie Jenner në 24 orë

Le ta nisim duke thënë se Kylie Jenner nuk është njeri si gjithë të tjerët. Është kategori më vete

Fundjavën e kaluar, Kylie organizoi një festë ditëlindjeje për Stormin që kushtoi 100 mijë dollarë. Në zyrë, Kylie ka makinetë që shet shampanjë dhe karamele M&M me fytyrën e saj. siç thamë, kategori më vete.

Kur Harper’s Bazaar publikoi videon ku Kylie tregon çfarë ha në 24 orë, e dinim që s’na prisnin ushqime normale.

Kylie e nis ditën me një gotë lëng kockash me livando dhe limon. Mesa duket, të bën mirë për shëndetin. Kur s’i pihet lëng kockash, pi lëng selinoje.

Kylie, shkruan Anabel, ka një sirtar në frigorifer të dedikuar selinosë, aq shumë e përdor.

Më pas, Kylie zbulon se lëngu i kockave nuk është thjesht mëngjesi, është çfarë konsumon gjatë gjithë ditës. Në 24 orë, pi të paktën dy kavanoza.

Për drekë, ha çdo ditë diçka ndryshe. Zakonisht gatuan pulë me perime ose tacos ose sallatë gjigante.

Kylie ka një truk për darkat. E uritur dhe dembele, përton të ngrihet të gatuajë, prandaj mban mollë të prera pranë krevatit. S’ka zgjidhje tjetër. Darka është mollë. Thjesht duke folur për selino dhe mollë sikur u ngopëm. /Telegrafi/