Fëmijët vërtet vuajnë shpesh nga infeksionet e veshit. Në fakt, 2 në 3 herë, fëmija do të preket nga infeksioni i veshit kur vuan nga gripi apo ftohja…
Arsyeja kryesore është se sistemi i tyre imunitar nuk është mjaft i fortë dhe rezistues si tek të rriturit, ndërsa lëngu nga veshët nuk lirohet aq lehtë dhe shpesh si tek të rriturit.
Veshi i notarit
Infeksioni i pjesës së jashtme të veshit zakonisht quhet veshi i notarit. Ky infeksion ndodh kur veshi është i lagur për një kohë më të gjatë, gjë që mundëson rritjen e baktereve. Megjithatë, edhe në qoftë se fëmija juaj nuk ka qëndruar në ujë, mbetjet e ndonjë substance (shtupat e pambukut) mund të shkaktojnë probleme. Kini kujdes në qoftë se fëmija e kruan veshin shpesh dhe nëse i dhemb kur e prekë. Veshi i notarit trajtohet me lehtësi, nevojiten pikat e veshit dhe mbajtja e veshëve në gjendje të thatë.
Diagnostikimi i infeksionit të veshit
Mënyra e vetme që në mënyrë të sigurt ta kontrolloni nëse fëmija vuan nga ndonjë infeksion i veshit është duke shkuar tek mjeku i cili me një otoskop do ta ekzaminojë brendinë e veshit. Otoskopi është një llambë e vogël me një thjerrëz të cilën mjeku e vendos në vesh. Veshi i shëndoshë do ta ketë një ngjyrë rozë, ndërsa infeksioni do të shkaktojë skuqje dhe ënjtje të veshit.
Brendia e veshit
Tubi Eustahian lidh veshin e mesëm me fytin. Ai mban një ekuilibër të presionit të ajrit dhe lëngut në vesh. Ftohja, gripi, dhe alergjitë mund ta irritojnë tubin Eustahian, duke shkaktuar ënjtjen e tij, përcjell koha.net.
Nëse tubi Eustahian është i bllokuar, vjen deri tek grumbullimi i lëngjeve në veshin e mesëm. Ky është një mjedis i përsosur për rritjen e baktereve dhe viruseve që shkaktojnë infeksionet.
Çarja e timpanit të veshit
Nëse presioni i ajrit është shumë i madh apo ka lëng në veshin e mesëm, kjo mund të shkaktojë që timpani i veshit të çahet. Nëse kjo ndodh, do ta vëreni një lëng të verdhë, kafe apo të bardhë i cili rrjedh nga veshi. Edhe pse kjo tingëllon e frikshme, timpani i veshit do të shërohet brenda disa javësh, dhe me dëgjimin e fëmijës tuaj gjithçka duhet të jetë në rregull. Lajmi i mirë është se dhimbja sigurisht do të zhduket sepse me plasaritjen e timpanit do të lirohet lëngu dhe do të rregullohet presioni i ajrit.
Simptomat e infeksionit të veshit
Simptoma e parë paralajmërues është dhimbja e veshit. Fëmija mund ta shmangë shtrirjen në anën ku i dhemb veshi, dhe ndoshta do të ketë gjumë të vështirësuar. Simptomat e tjera janë:
• Dëgjimi i dobësuar
• Temperatura
• Rrjedhja e lëngut nga veshi
• Marramendjet
• Hunda e zënë
Komplikimet
Nëse infeksioni i veshit kthehet vazhdimisht, rritet rreziku i humbjes së dëgjimit, problemet me të folur dhe meningjiti. Nëse fëmija juaj ka vuajtur vazhdimisht nga infeksioni i veshit, gjithsesi është mirë që ta kontrolloni dëgjimin e tij. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kapsllëku mund të ndikojë në zhvillimin e problemeve të zemrës: Në çfarë rreziku janë njerëzit me tension të lartë
Gjashtë shenja që tregojnë se duhet të shqetësoheni për shëndetin tuaj mendor
Kujdes kur bëni këto aktivitete, mund të pësoni atak në zemër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë tregonte harta dhe ‘plani i Netanyahu për Gazën’?
Çanak: Sulmi në Banjskë, fundi i luftimeve midis Serbisë e Kosovës
Kush i fiton zgjedhjet parlamentare të 9 shkurtit, komentojnë analistët
Çfarë kërkoi Rabiot që frikësoi Juventusin, Milanin dhe klubet në Turqi
Zbulohen top 10 lojtarët më të paguar te Man United - dominohet nga "dështakët"
San Marino merr fitoren e parë pas më shumë se 20 vitesh