Mbrojtësi i Real Madridit, Dani Carvajal do të mirëpriste Alvaro Moratan përsëri në klubin e madh spanjoll.
Sulmuesi i Chelseat u largua nga Reali verën e kaluar për tu transferuar në Londër, por ka luftuar shumë në sezonin e tij të parë në Angli.
Morata e nisi mirë sezonin duke shënuar disa gola të rëndësishëm, por ka humbur vendin në skuadër dhe ka filluar të kritikohet me të madhe.
Real Madridi i ‘prodhoi’ si futbollistë dhe pastaj i liroi – Ata u kthyen në reprezentues të Spanjës
Forma e dobët e sulmuesit spanjoll ka bërë që ai të mos ftohet fare as nga trajneri i kombëtares, Julen Lopetegui, për dy miqësoret e luksit.
Megjithatë, ish-bashkëlojtari i tij, Carvajal, i ka dal në mbrojtje duke thënë se do të donte të shihte përsëri atë me fanellën e bardhë.
Kur u pyet nga mediumi El Transistor nëse dëshiron ta shohë Moratan të kthehet në Real Madrid, Carvajal u përgjigj pozitivisht.
"Po, ai është një mik i mirë dhe një lojtar shumë i mirë", ka thënë mbrojtësi i Realit.
Morata është në dyshim për tu ftuar nga Kombëtarja e Spanjës për Kupën e Botës "Rusia 2018", ndërsa vera pritet të jetë e nxehtë edhe për të ardhmen e tij. /Telegrafi/