Brukseli ul flamujt në gjysmështizë në shenjë solidariteti me Spanjën

Në Bruksel, Komisioni Evropian ka ulur flamujt në gjysmështizë.

“Mendimet tona janë me viktimat e përmbytjeve në Spanjë, familjet e tyre dhe ekipet e shpëtimit”, thuhet në një postim të Komisionit Evropian në X.

“Përmbytjet në Spanjë nuk janë vetëm një tragjedi kombëtare, por edhe evropiane”, shton postimi.

Bëhet e ditur se presidentja e Parlamentit Evropian, Roberta Metsola, ka deklaruar se Evropa mban zi për të gjithë ata që humbën jetën gjatë përmbytjeve tragjike, shkruan BBC, përcjell Telegrafi.

“Ne do ta përballojmë këtë së bashku”, tha Metsola.

The European flags in front of our headquarters in Brussels are at half-mast.

Our thoughts are with the victims of the floods in Spain, their families and the rescue teams.

The floods in Spain are not only a national tragedy. It’s also a European one. pic.twitter.com/52sozgWrhM

— European Commission (@EU_Commission) October 31, 2024

Ndryshe, kjo është përmbytja më vdekjeprurëse në Spanjë që nga viti 1996, kur 87 njerëz vdiqën në rajonin malor të Pirenejve, dhe i kalon përmbytjet evropiane të vitit 2021 në Gjermani, të cilat lanë të vdekur të paktën 185 njerëz

Kushtet ekstreme të motit po bëhen gjithnjë e më të shpeshta në Evropë dhe meteorologët besojnë se ngrohja e Mesdheut, e cila rrit avullimin e ujit, kontribuon në intensifikimin e shirave të dendur. /Telegrafi/