Aktori hollivudian, Bradley Cooper, ka arritur në top-listën prestigjioze Billboard Hot 100 falë duetit me Lady Gagan.
Kënga “Shallow” është pozicionuar në vend të 28-të, ndërsa u përfshi në Billboard Hot 100 në javën e kaluar falë emetimit të shumtë në gjithë botën.
Kjo këngë është lëshuar plot 8.3 milionë herë në Amerikë, ndërsa është shkarkuar mbi 58.000 herë.
Derisa kjo është hera e parë e pjesëmarrjes së Cooper në top-listën e Billboard, Gaga ka arritur 21 herë në mesin e 40 më të mirëve, derisa në total në Hot 100 ka marrë pjesë 27 herë.
“Shallow” është këngë nga filmi “A Star Is Born” ku aktori dhe këngëtarja i luajnë rolet kryesore.
Filmi është dhënë premierë të premten, me ç’rast të njëjtën ditë është publikuar edhe dueti mes tyre. Këngën e ka shkruar Gaga së bashku Mark Ronson, Anthony Rossomand dhe Andrew Wyatt.
Filmi “A Star Is Born” përmban edhe katër duete të tjera ndërmjet Lady Gagas dhe Bradley Cooperit. Aktori i këndon vet pesë këngë të tjera, derisa këngëtarja interpreton edhe tetë sosh.
Në ndërkohë, kujtojmë që Cineplexx të enjten (11 tetor) organizon eventin Ladies Night me premierën e filmit më inspirues të vitit “A Star is Born”, edhe këtë herë me shumë shpërblime. /Telegrafi/