Bota po mplaket shpejt

Mplakja e popullatës së botës do të përshpejtohet gjatë njëzet vjetëve të ardhshme dhe do të arrijë kulminacionin në vitin 2030, para qetësimit, që do të ngjajë me afrimin e fundit të shekullit. Japonia veçmë po prin në këtë "garë".

Hulumtimin e kanë kryer shkencëtarët e Institutit demografik të Vjenës dhe Universitetit Shtetëror të New York-ut dhe ai tregon rëndësinë e këtyre vlerësimeve në politikat shtetërore, në veçanti ato shëndetësore.

Shtetet gjenden në nivele të ndryshme të shpejtësisë së plakjes. Japonia veçmë është afër kulminacionit së shpejtësisë të kohës së plakjes, derisa Amerika Veriore, Evropa, Kina dhe ish-Bashkimi Sovjetik do ta arrijnë këtë kohë, në mes viteve 2020 dhe 2030.

Për Azinë jugore, kjo do të fillojë në vitin 2030, për Lindjen e Afërme 2040, derisa për Afrikën në mesin e këtij shekulli.

Përpjesëtimi i personave më të vjetër se 60 vjeç në botë, do të trefishohet gjatë shekullit dhe do të kalojë nga 10 për qind në vitin 2000, në 32 për qind në vitin 2100.

Kina do të kalojë nga 10 për qind në 42 për qind, derisa afër gjysma e popullatës së Evropës perëndimore (46 për qind), do të kenë mbi 60 vjet kah fundi i shekullit, sipas këtij hulumtimi.

"Është shumë e rëndësishme për ata që sjellin vendim të marrin parasysh këto statistika", ka sqaruar Warren Sanderson, bashkautor i hulumtimit dhe ka shtuar se, "në periudhën e përshpejtimit të plakjes gjithmonë kërcënon jostabilitet më madh".