Bono e ka lavdëruar Guardiolan për punën që ka bërë duke fituar tre tituj në sezonin që shkoi (Ligën spanjolle, Kupën e Mbretit dhe Ligën e Kampionëve), dhe po ashtu ka thënë fjalë të mira për përfshirjen e Barcës për promovimin e UNICEF-it në fanellat e tyre.

“Urime për tre trofetë. Dëshiroj ta falënderoj skuadrën për ndihmën që na ka dhënë për këtë koncert dhe mbi të gjitha për përkushtimin ndaj çështjeve humanitare, siç është reklamimi i UNICEF-it në fanella, pa asnjë fitim ekonomik”, është shprehur Bono.