BDI: Paaftësia e Vlen-it dhe të qenurit sherbëtorë të OBRM-PDUKM-së, po shkatërron të arriturat kombëtare

Bashkimi Demokratik për Integrim ka hedhur akuza ndaj koalicionit shqiptar VLEN në qeveri se nuk po dinë të mbrojnë interesin kombëtar dhe të arriturat e shqiptarëve, duke i quajtur politikanët e VLEN-it dhe shërbëtorë të Mickoskit.

Akuzat e VLEN-it ndaj BDI-së ata i quajnë si të pabaza duke përmendur se deri më tani si pjesë e qeverisë ky koalicion nuk ka realizuar asnjë premtim të dhënë për shqiptarët.

Reagimi i plotë:

Bashkimi Demokratik për Integrim konsideron që paaftësia e humbësve të zgjedhjeve dhe shërbëtorë të OBRM-së nga rradhët e Vlen po i kthej shqiptarët në vitet ‘90 në aspektin e të drejtave kombëtare dhe barazisë.

Akuzat ndaj BDI dhe gjuetia politike e shtrigave nga vazalët e Vlen nuk e mbulon dot dështimin katastrofal në mbrojtje të të arriturave kombëtare drejtë barazisë si rezultat i Marrëveshjes së Ohrit,

Cënimi i gjuhës shqipe, flamurit kombëtar, përfaqësimit të drejtë dhe adekuat, legjitimitetit zgjedhor, balanserit, turpërimi para Shqipërisë, Kosovës dhe në mes të Uashingtonit, ligjin për branitella, mos realizimin e asnjë premtimi të vetëm zgjedhor janë rezultat i hyrjes në qeveri si humbës dhe si të preferuar të OBRM-së.

Faktin e pamohueshëm që askush nuk i pyet për asgjë dhe janë të demaskuar si tërësisht të paaftë nuk mund t’ia faturojnë as BDIsë e as Frontit Europian

Gjuhën shqipe e gjetet zyrtare, e larguat, flamurin kombëtar e gjetet zyrtar, e larguat edhe nga zyrat e juaja, administratorët i gjetët në punë, i larguat, balanserin e gjetet me 30% e bëtë 24%, të gjitha i zhbëtë!

Akuzat nga ana e humbësve, se tabelat në autostradën Shkup – Bllacë janë porositur nga udhëheqësia e mëparshme e Ndërmarrjes Publike për Rrugë Shtetërore, janë të pavërteta, të pabaza dhe spekulative.

Gjithashtu, ju informojmë se nga ana e udhëheqësisë së kaluar është përgatit edhe projekt për ndrimin e të gjitha shenjave të komunikacionit për autostrada për respektimin e gjuhës shqipe dhe është bërë zgjedhje e kompanisë për ndrimin e të gjitha shenjave por udhëheqësia aktuale ka ndërprerë procedurën që mund të shihet edhe në sistemin elektronik të prokurimeve publike