AT&T dëshiron 4G në iPhone 4S

AT&T dhe T-Mobile amerikan ka kohë që rrjetat e veta HSPA+ po i deklarojnë si rrjeta 4G, edhe pse ato teknikisht nuk janë të tilla.

Tani AT&T nga Apple kërkon që në shiritin statusor të tregoj shenjën “4G” kur shfrytëzuesit të kyçen në rrjetin e tyre të të dhënave.

Në të vërtetë, në një dokument interno i cili ka rrjedhur nga kompania në publik, qëndron se ky operator mobil është në negociata me Apple për ndryshimin e indikatorit që tregon kyçje në rrjetë në “4G”. Pasi që iPhone 4S është pajisje HSPA+, thuhet se, shfrytëzuesit e AT&T-së do të kenë rrjetat 4G nga dita e parë e përdorimit të pajisjes, e që kjo është një avantazh unik i pranishëm vetëm tek AT&T.

Të pyetur për komentin, në AT&T për This Is My Next konfirmuar se në këtë “janë duke punuar së bashku me Apple”. Në rast se ndodh që Apple të lëshoj pe kundrejt operatorit mobil, gjë që në të vërtetë asnjëherë nuk i ka ndodhur kësaj kompanie, atëherë ndryshimi do të duhej të realizohej përmes mbindërtimit të iOS-it. /Telegrafi/