Ashensor privat, xhama anti-plumb, sallë konferencash dhe katër dhoma gjumi: Kjo është suita më luksoze në botë (Foto)

Të gjithë ata që dëshirojnë të kalojnë natën në suitën Katara duhet të kenë xhepat plotë para, pasi për të dytën herë është shpallur suita më e mirë në botë.

Në hotelin Gallia në Milano, ekziston një hapësirë e veçantë prej 10.764 metra katrorë, e cila posedon katër dhoma gjumi, sallë konferencash dhe ashensor privat, transmeton Telegrafi.

Por kjo suitë, është votuar për të dytën herë si suita më e mirë në botë nga “Ëorld Travel Aëards”, ndërsa të gjithë ata që dëshirojnë të kalojnë një natë brenda saj duhet të ndajnë plot 20 mijë euro.

Kjo hapësirë e veçantë e hotelit është e përkryer për diplomatë të nivelit të lartë, që ofron “privatësi dhe siguri maksimale” për mysafirët. Suita ka hyrje të veçantë, ashensorë dhe dritare anti-plumb.

Aty është edhe një sallë për konferenca, katër dhoma gjumi me shtretër gjigant dhe me abazhurë të punuar nga specialisti i xhamave Venetian Murano.

Secila dhomë është e dekoruar ndrysh, dhe ka ngjyra unike që i bëjnë këto dhoma të përkryera për secilin person që vendos ta kalojë natën brenda saj.

Përpos luksit, sigurisë maksimale dhe pamjes së mahnitshme, në dispozicion 24 orë janë edhe kamerierët për të plotësuar nevojat e mysafirëve. /Telegrafi/