Arsovski: Firma pa të punësuar dhe pranë mbylljes ka fituar grand nga qeveria (Video)

Zëdhënësi i partisë opozitare maqedonase OBRM-PDUKM, Dimçe Arsovski tha se “Fondi për inovacione i cili ka një muaj që përpiqet ta mbulojë rastin duke aktruar transparencë, harroi të shpall disa punë që edhe më tej aludojnë në atë se kjo qeveri është qeveria më kriminale që ndonjëherë ka qenë në Maqedoni”.

Arsovski shtoi se Fondi për Inovacione kanë ndarë para prej 2 firmave të cilat janë në procedurë për mbyllje në Regjistrin Qendror, ndërsa shuma që ka ndarë Fondi për Inovacione ka qenë prej 201.143 mijë euro, përcjell Telegrafi Maqedoni.

“Firma “Omega Reasearch DOOEL Shkup”, ku paraqitet një vajzë e re tashmë ka fituar grand nga Agjencia për Punësim. Pasi është krijuar firma, fiton grand për projekt për inovacion në fushën e kozmetikës së gjallë organike për kujdesin e lëkurës, bazuar në bio-teknologjinë inovative, dhe Fondi për Inovacione i jep ndihmë prej 11.180.260 denarë apo 182.000 mijë euro. Interesante është që firma nuk ka asnjë të punësuar, dhe vet firma duhet të investojë 4.791.540 denarë apo 78.000 euro”, thotë Dimçe Arsivski.

Ai parashtron pyetje se si mund një firmë që nuk ka asnjë të punësuar të fitojë grand prej 182.000 eurove, ndërsa vet firma duhet të investojë 78.000 mijë euro./Telegrafi/