Arsenali po shkon mundësinë për të transferuar mesfushorin e Sevillas, Ever Banega, në afatin kalimtar të dimrit.
Sipas mediumit britanik The Sun, drejtuesit e ri të Arsenalit duan t’ia bëjnë dhuratë Banegan trajnerit Unai Emery.
Trajneri i Topçinjve punoi me Banegan te Sevilla dhe dëshiron që reprezentuesi i Argjentinës të shtojë konkurrencën në mesfushë.
Do të jetë një nga marrëveshjet e para që Raul Sanllehi do të shikojë në rolin e tij të ri si drejtues sportiv, pas largimit të Ivan Gazidis.
Burime spanjolle thonë se Banega ka një klauzolë prej 18 milionë funtesh për largim para se kontrata e tij të skadojë në fund të sezonit të ardhshëm.
Emery ishte i interesuar për Banegan edhe në verë, por ish-ylli i Interit zgjodhi të zgjaste magjinë e tij të dytë në Sevilla.
Ndryshe, 30-vjeçari është reprezentues i rregullt i Argjentinës dhe njihet për kreativitetin dhe organizimin në mesfushë. /Telegrafi/