Arrin Nano-SIM

Kompania gjermane Giesecke & Devrient paraqit SIM kartelat e reja të cilat kanë madhësinë sa dy të tretat e kartelës Micro-SIM.

Në kompani pohojnë se Nano-SIM ia mundëson prodhuesve zhvillimin e pajisjeve edhe më të vogla, e njëkohësisht ofron mundësi të njëjta, nëse jo edhe më të mira, sikurse SIM kartelat ekzistuese. Pajisjet e para që do të përdorin kartelat Nano-SIM mund të ndodh të paraqiten në treg gjatë vitit të ardhshëm.

Për ndryshim nga kartelat Micro-SIM, të cilat kanë përbërjen e njëjtë dhe trashësinë e njëjtë me SIM kartelën “e zakonshme”, ashtu që çdo kush të mund të prej kartelën SIM për ta formuar një kartelë Micro-SIM, Nano-SIM është më e vogël dhe më e hollë në krahasim me SIM kartelat e deritashme. Sipas të dhënave të cilat i ka publikuar Gieseck & Devrient, Nano SIM ka dimensionet 12 x 9 milimetra, dhe është për 15% më i hollë nga SIm kartela klasike.

Momentalisht kartelat Nano-SIM janë duke u testuar nga operatorët e ndryshëm në mbarë botën, e pritet që ato të standardizohen përmes Europen Telecommunications Standards Institute (ETSI) deri në fund të vitit. Gjithashtu theksohet se do të paraqitet edhe një adaptues i cili do të mundësoj përdorimin e kartelave Nano-SIM në të gjitha pajisjet ekzistuese mobile. /Telegrafi/