Robert Seldon Lady ishte dënuar në mungesë me nëntë vite burg për përfshirjen e tij në rrëmbimin e një kleriku egjiptian në Milano në vitin 2003.

Kleriku, i njohur me emrin Abu Omar, dyshohet se u dërgua me një avion në Egjipt ku u torturua nga agjentët amerikanë.

Agjenti Lady ishte dënuar bashkë me 22 shtetas të tjerë amerikanë për rolin e tij në “interpretimin e jashtëzakonshëm”, por drejtësia italiane deri më sot kishte lëshuar urdhër-arrest ndërkombëtar vetëm për të.

Sipas raportimeve të mediave italiane, agjenti sekret u arrestua në afërsi të kufirit mes Panamasë dhe Kosta Rikës, transmeton TCH.

Rasti i Milanos ishte i pari që kishte të bënte me një “interpretim të jashtëzakonshëm”, siç njihet ndryshe praktika e CIA-s për të transferuar të dyshuar në vende ku tortura lejohet.

22 agjentët e CIA-s, përfshirë këtu Ladyn, si dhe një pilot i forcave ajrore amerikane, u dënuan në vitin 2009 në mungesë dhe dënimi i tyre u rikonfirmua vitin e kaluar. /Telegrafi/
 

Nga BotaBotë