Aromat sensuale të parfumeve

Parfumet e reja, qofshin romantike, të guximshme ose diskrete, kanë të përbashkëtën ­ sensualitetin femëror. Nëse prerja e satenit të lëmuar, e kadifesë së butë ose e mëndafshit të brishtë ju sjell kënaqësi, atëherë për ju është e dashur aroma e lëkurës së butë, të lëmuar. Kjo kohë, pra, është juaja!

Në modë janë format femërore, pëlhurat e buta, detajet elegante dhe parfumet fine – shoqërues të pashmangshëm të femrës, e cila dëshiron të theksojë femërinë dhe të kënaqet me sensualitetin e saj. Ngjashëm me ndërresat (veshjet e brendshme), aroma është pjesë e intimës, e cila e ledhaton këndshëm lëkurën dhe e plotëson personalitetin tonë.

Parfumet e reja barten lehtë, shfaqin dëshirën tonë për kënaqësitë e jetës, për të bukurën dhe për luksin. Këto përzierje të pasura të aromave të luleve aromatike, të pemëve të jugut dhe të drunjve aromatikë i përshtaten çdo rasti, por në secilën lëkurë lëshojnë erë ndryshe!

Si të zgjidhet parfumi?

Ç’gjëje duhet kushtuar rëndësi gjatë zgjedhjes së parfumit? Ti jepet përparësi aromës së freskët apo ekzotike dhe depërtuese? A duhet ndjekur me këmbëngulje shijen personale apo rregullisht të ndiqen trendet e reja?

Me rëndësi është që erën e parfumit t’ia përshtatni stilit personal të veshjes, të sjelljes dhe të grimit. Nuk duhet harruar: aroma është pjesë e tërësisë që quhet – stil personal. Çfarë do të zgjidhni, aroma klasike apo bashkëkohore, mbetet të vendosni vetë, sipas shijes suaj! /Telegrafi/