Ardian Bujupi është në përgatitje të projektit të ri muzikor, të cilin do ta sjellë në bashkëpunim me këngëtaren Helly Luv.
Këngëtari shqiptar ka njoftuar përmes rrjeteve sociale se kënga e re do të lansohet pas një jave (18 dhjetor).
Dy protagonistët e duetit të ri kanë publikuar imazhe në Instagram nga xhirimet e videoklipit.
“Guns&Roses” titullohet kënga e re, ndërsa Helly e ka quajtur Ardianin një këngëtar të mrekullueshëm.
Helan Abdulla, e njohur me emrin skenik Helly Luv, është një këngëtare, valltare, koreografe, aktore dhe modele kurde, e lindur në Urmia të Iranit.
Karriera e saj filloi duke publikuar video në Myspace dhe YouTube, teksa këndonte versionet e saja të këngëve të njohura.
Më pas, ajo nisi të lansonte materiale të saja muzikore, si dhe është paraqitur si aktore në filma dhe videoklipe të ndryshme.
Helly u bë e popullarizuar falë suksesit të këngës “Risk It All” të publikuar në vitin 2013 dhe vazhdoi me projekte të reja në muzikë dhe aktrim. /Telegrafi/
